Umingay ang buong paligid dahil sa pagpapakilala ni Ms. Alice sa buong klase kay Ridge. Nabuo ang mahihinang mga bulungan at ang maliliit na hagikgik ng ibang mga kababaihan na animo’y mga kinikilig dahil sa gwapong lalaki na nasa aming harapan. Habang ako naman ay nananatiling nakatulala lamang at hindi ko lubos maisip na bakit sa dinami-dami pa ng pwedeng maging kaklase namin ay si Ridge pa.
“Hala napaano kaya siya?”
“Saan niya kaya nakuha nag injury niya?”
“Sana ay okay lang siya.”
Ilang lang ang mga iyon sa mga naririnig kong bulong-bulungan ng mga kaklase kong babae habang nakatitig ng mabuti kay Ridge. Nakita kong naroroon pa rin ang benda sa kaliwang braso niya tulad kahapon.
“Ridge, please have a seat,” nakangiting balin ni Ms. Alice kay Ridge saka nagsimulang humakbang si Rid
