“Damn it. Are you crazy?!” inis na bulyaw sa akin ng lalaking hindi ko malinaw na makita ang mukha. Kapwa kaming napahiga sa sahig habang nasa likod ko at nadadaganan ko ang braso niya. Kapwa din kaming nasaktan dahil sa biglaang paghila niya sa akin na para bang may gagawin akong hindi maganda. Naamoy ko ang mabango niyang amoy dahil sa lapit niya sa akin.
Marahan kaming kapwa na bumangon. Tumayo siya saka pinagpag ang sarili. Ako naman ay nanatiling nakaupo sa sahig habang nagpalinga-linga upang hanapin ang salamin kong tumalsik mula sa kung saan.
“Nasaan na ang salamin ko?” mahinang tanong ko sa aking sarili habang kumakapa-kapa na din sa sahig.
Naramdaman at narinig ko ang mga yabag ng lalaki. Para itong bahagyang lumayo at pagkuwan ay muling naglakad papalapit sa akin. Nanatili ak
