“Magandang hapon po,” nakangiti at magalang na bati ni Kiara kay Nanay.
“Magandang hapon din, Hija, halika pasok ka!” nakangiti at masayang tugon naman ni Nanay kay Kiara saka niya ito pinapasok sa bahay.
Pagkatapos ng klase namin kanina ay hindi na ako tinigilan pa ni Kiara sa pangungulit at pangungumbinsi nito sa akin na subukan kong ayusin ang sarili ko. Kaya kahit hanggang dito sa bahay ay sumama siya sa akin.
Naupo si Kiara sa sofa saka naman ako pasimpleng hinila ni Nanay patungo sa kusina. “Anak, okay ka lang ba?” tanong ni Nanay sa akin.
“Po?”
“Paano ka nakapagdala ng ibang tao dito sa bahay? Kaklase mo iyan? Close kayo? Paano mo naging kaibigan?” sunod-sunod na hindi makapaniwalang tanong ni Nanay sa akin. Sobra-sobra ang pagtataka niya dahil ngayon lang ako may nadala na iba
