Matulin na lumipas ang isang linggo at hindi na kami gaanong nakakapag-usap na dalawa ni Vernice. Ang huling nasabi niya sa akin ay magiging abala siya dahil sa nalalapit na acquaintance party ng senior high. Magkakaroon kasi ng pageant doon at isa siya sa mga lalahok doon.
Pagkatapos ng naging insidente sa amin ng kaklase niyang si Georgette ay naging madalang na din talaga ang pagkikita at pag-uusap naming dalawa. Noong weekend ay hindi din kami magkasama. Hindi siya naki-overnight sa bahay na palagi naman niyang ginagawa noon. Hinahanap nga siya sa akin ni Nanay pero ang sinabi ko na lang ay busy na kasi ito dahil hindi naman kami magkaklase na dalawa at magkaiba pa ang strand namin. Kaya naman noong weekend ay nag paka-busy na lamang ako sa pagbabantay ng convenience store ni Ninang N
