“What?! Kailangan kong basahin lahat ng iyan?!” reklamo ni Ridge nang ibigay ko sa kanya ang mga librong kailangan niyang basahin at aralin tungkol sa ibang mga subject namin. Medyo napataas ang boses niya kaya naman may mga sumaway sa amin. Kasulukuyan kasi kaming nasa loob ng library ng school.
“Shh! Huwag ka ngang maingay dyan,” mahinang saway ko naman dito. Salubong ang mga kilay nito habang pinagsasalitan niya ng tingin ang mga librong nasa harapan niya.
“Seriously, Manang? Kung may personal kang galit sa akin, ihiwalay mo naman sana iyon dito sa pag-aaral,” inis na balin niya sa akin. Tinawag na naman niya akong manang!
“Pwede ba? Kung makapagsalita at makapagreklamo ka naman dyan ay para bang katapusan na ng mundo mo! Magbabasa ka lang naman!” inis na tugon ko na rin sa kanya at
