“Nay, sigurado po ba kayong ayos lang po kayo dito? Kaya n’yo na po dito?” sunod-sunod na tanong ko kay Nanay habang mabilis kong pinupunasan ang counter ng convenience store ni Ninang Nelly. Sabado ngayon at sa halip na ako ang magbantay sa convenience store ni Ninang Nelly ay si Nanay na muna ang tatao ulit dito, dahil may kinakailangan akong puntahan ngayong araw.
Ngayong araw kasi namin napagkasunduan nina Kiara at Diego na magpunta sa art museum para sa group activity namin sa subject na Contemporary Philippine Arts from the Region. At syempre, kasama din namin si Ridge sa ayaw ko man o sa gusto ko dahil kabilang siya sa grupo namin.
“Oo naman, Anak! Sige na at umalis ka na. Baka hinihintay ka na ng mga kaklase mo,” saad at taboy sa akin ni Nanay saka siya lumapit sa akin at kinuha
