الفصل الثاني(2)

877 Words

في الإمارات العربية المتحدة ، تحديدًا باريس العرب دُبي وفي أحد البيوت الفارهة ، نزلت تلك المُتضايقة من فوق الدرج غاضبة من ذاك ذاك الذي يضغط على جرس الباب باستمرار . ملك : ايوا جايه خلاص فتحت الباب بعُنف وإذ هي في صدمة من ذاك الواقف أمامها . هيثم : السلام عليكم!! ملك : ايه دا ؟! هيثم!! هيثم : أمال هيكون مين يا هبله!! ملك بصوت عال : بابا بابا كريم كريم : ايه يا ملك ملك وهي تشير لهيثم : شوف مين جه يا بابا كريم : هيثم ؟! هيثم وهو يدفع ملك ليدخل : وحشتني يا خالو والله كريم وهو يفتح ذراعيه : أنت جاي لوحدك ولا ايه ؟ هيثم : بابا وماما هيخلصوا الشغل اللي وراهم وجايبن بعد يومين كريم : تعالى يا حبيبي ادخل . ___________________ أسيل بصوت عال : إنت يا حيواااان يا أعمى ياللي مبتشوفش نزل من السيارة بهيبته الرجوليه الكافيه لتلجم ل**ن أي أحد ، حيث كان جسده الرياضي يزيد هيبته ، كان مُرتديًا قميصًا زيتونيًا وبنطال چينز أزرق وحذاء رياضي ، أزاح نظارته السوداء من فوق وجهه وهو يتطلع بضيق لتلقي الواقفه أمامه بتمرُّد ، ليشق الرعب طريقه نحو ساره وهبه . ساره لهبه : أنا شايفه إننا لازم نمشي ولا ايه رأيك ؟ هبه : أنا شايفه إننا لازم نترحم على نفسنا أمير : معلش كدا أصل مش فاهم الآنسه بتشتم مين ! أسيل وهي ترفع وجهها له : هكون بشتم مين يعني ! غير الإنسان اللي كان هيتسبب في موتي أمير : نعم !! أسيل : آه معلش قصدي الحيوان أمير بإنفعال : أنتي يا بتاعه إنتي متستفزنيش إني أمد إيدي عليكي أسيل : تمد إيدك على مين ؟ انت فاكر نفسك مين يعني أمير وهو يقف قبالتها : اسمعي بقا أنا ممكن أرويكي أنا أبقا مين بس الطريقه مش هتعجبك أسيل : أنت واحد مغرو وفاكر نفسك أحسن من الناس كلها وأنت كلك على بعضك متساويش شلن أمير وهو يجذبها من ياقة قميصها بإنفعال : لا أنتي زودتيها أوي وأقسم بالله لو بؤك نطق بغلط تاني لهتلاقي ايدي بتسلم على وشك كادت أن تنزل كفها على وجهه ، ولكنه أمسك يدها في اللحظه الأخيره أمير : مش بقولك أنتي زو قُطع حديثه بواسطة ساره التي هتفت بانفعال . ساره : أسيل اتأخرنا !! نظر أمير لبُرهة إلى هيئتهما التي توحي بوضوح أن هن طالبات مدرسة . أمير وهو يتركها : يلا يا شاطره على مدرستك بدل ما أقلل في اللي جابوا أهلك استدار أمير نحو سيارته ، أما هي حملت حجر من على الأرض وألقته نحوه وهي تُردف بسباب . أسيل : قليل الأدب!! تألم أمير من ذاك الحجر الذي اصطدم برأسه ، استدار نحوها ليجدها تهرب وتجري هي و صديقاتها . أمير وهو يضع يده فوق رأسه التي تؤلمه : آه يا زباله . ................ بعد مرور 5 دقائق وصلوا للمدرسه هبه وهي تلهث من التعب : معدتش قادره أسيل : الحمد لله لسه مخلصين الطابور ساره : وهندخل المدرسه إزاي بقا إن شاء الله؟ أسيل وهي تغمز : عيب عليكي هبه بتصنع البكاء : ياربي مش معقوله دي تصرفات بنت!!هننط من على السور!! أسيل : ما تخلصي قبل ما الحصص تبدأ ساره : أمرنا لله ................ دخل إلى شركته بغضب شديد ، ليقف له الجميع يحيونه بخوف وإعجاب . دلف إلى غرفة مكتبه ليتن*د بغضب ليرن هاتفه معلناً أن المتصل صديقه أدهم (أدهم : هو صديق أسرة أمير حيث والدته هي صديقة والدة أمير وهو من عائلة مرموقة لكن ليس كعائلة أمير ، يبلغ من العمر 23 من مواليد شهر 11 من عام 1994 لذا التحق بدفعة 1995 ، في العام الأخير من كلية الهندسه قسم ميكاترون** ، يتميز بالبشرة البيضاء والعينين الزرقاوين ) ●توضيح : أمير حصل على شهادة البكالوريوس في الهندسه قسم مدني من ألمانيا في خلال 3 سنوات بتقديرات عالية جداً لذلك هو الآن في طريقه للحصول على الدكتوراه في سنه المبكر أمير : ألو أدهم : ايه ياعم رجعت مصر ولا عبرتنا ولا أي حاجه أمير ببرود : في حاجه مهمه يا أدهم؟ أدهم : آه في إن صاحبك هيتخرج آخر الأسبوع وانت ولا على بالك أمير : يعني عاوزني أرقصلك مثلا!! أدهم : لا متشكرين بس عاوزك تحضر حفلة التخرج أمير : هوا أنا كنت حضرت حفلة تخرجي عشان أحضر بتاعتك ! أدهم : حفلة تخرجك ايه يا أخويا هوا في حد عاقل يخلص هندسه في 3 سنين!! ، ماليش فيه بقا حفلة تخرجي في الجامعه عندنا ومستنيك أمير : الله يكرمك يا أدهم اقفل دلوقتي مش فايق لك أدهم : طب سلام يا برنس .............. بعدما دخلت الفتيات للمدرسة بتلك الطريقه الهمجيه ، وجدن أحد رجال الأمن يقف أمامهم بضيق من فعلتهن . عضو الأمن : استنوا عندكم ساره : وقعنا ومش هنقوم عضو الأمن : انتوا مفكرينها وكاله من غير بواب؟ أسيل ببراءة : عم عوض اوعى تفهمنا غلط بس أنا كنت هعمل حادثه عوض بخضه : ايه ؟ أسيل وهي تطأطيء وجهها حزنًا : آه والله حتى اسألهم نظر نحو هبه وساره ، أومأت الفتيات رؤوسهن بنعم . عوض : طب أنتي كويسه؟ أسيل : الحمد لله، بس معلش بقا يا عم عوض هتأخر على الحصه عوض : ألف سلامه عليك يا بنتي ادخلوا يلا بسرعه هبه : شكرا ياعم عوض ......... ساره : ضحكتي على الراجل زي كل مره هبه : ههههههههههه مش عارفه الراجل دا بيحبك أوي يا أسيل أسيل : كان بيقولي انتي دخلتي قلبي زي ما تكوني بنتي ساره : فيه الخير عم عوض والله هبه : آه والله .

Free reading for new users

Scan code to download app

App Store Google Play

Facebookexpand_more