BERNADETTE
Nagising ako nang maramdaman ang kamay na nakayakap sa beywang ko. Napalingon ako nang masamyo ang magkahalong amoy ng alkohol at pabango. Kapag ganitong lasing si Fernan ay dito natutulog sa silid ko. Siguro ay iniisip niyang ako si Isabella.
Tinitigan ko muna si Fernan bago nagpasyang bumangon. Marahan ang bawat galaw ko dahil baka magising siya. Ayaw pa naman niyang nagigising sa pagkakatulog. Nahirapan ako sa pag-alis ng braso niyang nakapulupot sa beywang ko. Napahinto ako sa pag-alis ng kamay nang mapaungol si Fernan.
Nangunot ang noo ko na parang may sinasabi siya ngunit hindi ko maintindihan. Alam ko na kung sino ang binabanggit niyang pangalan. Malamang si Isabella na naman iyon. Sino pa nga ba?
“Isabella. . .” Banggit niya.
Parang piniraso ang puso ko sa pangal
