“Hi Dad,” bati ko ng nakangiti sa aking ama.
Naabutan ko itong nagkakape sa terasa.
“Oh anak nandito ka na pala, hulaan ko… galing ka na naman kay Lawrence ano? Alam ko na ang ngiti mo na yan eh,” masaya niyang wika.
Sa isang pang-tatluhang sofa nakaupo aking ama habang nagkakape, napangiti ako at tumabi sa tabi ng aking ama na si Nero.
“Yeah… pero kaninang umaga pa yun dad,” tugon ko at kinuha ko ang chess board sa ilalim ng maliit na bilog na mesa.
“Mukhang mahaba-habang usapan yan ah,” sabi ni Daddy na parang may ipinahihiwatig. Inayos niya ang kanyang sarili sa pag-upo at tumikhim pa ito.
Nag umpisa akong mag kwento habang inaayos ang chess board na iginitna ko sa pagitan namin ni daddy dito sa sopang inupuan namin. Ikinuwento ko sa kanya ang mga nangyari sa akin simula sa t
