عايزة افهم بس ليه فيه فصول مفيهاش ولا كومنت و كام فوت كده رغم ان المشاهدة للفصل الواحد كويسة الى حد ما
مش عجباكم ولا ايه ؟؟؟؟؟
*********
مريم : آسفة ... سامحنى
نظر لها للحظات بوجهة خالٍ من اية تعابير او مشاعر قبل ان يردف
آسر بجمود : ليه؟
مريم بدهشة : ليه ايه ؟؟؟؟
آسر : ليه اعتذارك ده .....يعنى برأيك كده انتى غلطتي فى ايه ؟
لم تغادرها ملامح الاندهاش ذاتها لكن سؤاله هذا جعلها تعود بذاكرتها للامس لترى ان كانت تفوهت بأمر آخر دعاه للغضب لكنها لم تجد ما يدعو لذلك لذا اجابت وهى تنظر ارضاً هرباً من مواجهة عيناه
مريم بتردد : ااا انا اقصد اني آسفة على سوء الفهم اللى حصل ..... يعنى انا اتسرعت فى فهم الموقف كله .... طبعا مش مبرر للى عملته بس انا مكنتش اعرف انها السكرتيرة بتاعتك .... ممم قصدي يعنى البتاعة دي ... رنا ..... ثم اكملت دون وعي ..... لكن ده برضو ميمنعش ان مش المفروض انها تبقى موجودة
