Nai-schedule na ni Maynard ang line-up ng mga suspects kinabukasan sa ganap na alas-tres ng hapon. Kagaya ng mga kadalasang nilang ginagawa, mga inmate volunteers ang isinasama nila sa line-up. Binibigyan lang ang mga ito ng maliit na halaga para sa kanilang kooperasyon. Pumipili sila ng kasing taas at kasing katawan ng totoongq suspect.
Isinama ni Maynard at Laurenne ang dalawang eyewitnesses, nasa mid-thirties ang edad ng mag-asawa, sa loob ng presinto para obserbahan ang line-up sa likod ng one-way glass panel. Nakapila ang mga suspects, limang lalaki. Dalawa sa kanila ang halos magkamukha.
Sinenyasan ni Maynard si Laurenne na lumapit sa kanya. “Ang nakalagay dito sa listahan, si Daniel Regio ʼyong nasa ikalawa sa kanan. Nakikita mo ba ʼyong nakatayo sa tabi niya?” halos pabulong na t
