TYRION LANNISTER
Pagkapasok namin sa loob ng kuwarto ay agad akong humiga sa kama. Nabawasan ang pagod ko kahit papaano. Pakiramdam ko ay bumalik ako sa earth nang maramdaman ko ang kama sa aking likod. Kung p'wede lang sana na matulog na lang buong magdamag ay ginawa ko na para lang makatakas ako sa realidad, pero hindi ko p'wedeng gawin dahil may mga kasama na ko ngayon.
"Tyrion, ngayon ko lang nakita ang mukha mong kampante." Mahinang tumawa si David pagkatapos niyang magsalita.
Lumingon ako sa kaniya pagkatapos niyang umupo sa aking tabi. Si Rex naman ay inilapag sa lamesa ang pagkain na binili namin kanina.
Hindi ako sumagot agad sa sinabi ni David dahil nais ko ring pag-isipan muna ang isasagot ko sa kaniya.
"Kahit papaano kasi ay may nakita akong bagay na mayroon din sa mun
