TYRION LANNISTER
Pagdating ko sa kusina ng inn ay parang may dumaan na bagyo dahil sa kalat na ginawa nina David at ng iba pa. Napalingon si Rem sa direksiyon ko nang maramdaman niya ang presensiya ko. Ngumiti siya sa akin habang nagkakamot siya sa kaniyang batok.
"A-Anong nangyari rito?" nagtataka kong tanong sa kanila.
Napalingon sa direksiyon ko ang aking mga kasama at isang ngiti lang ang tinugon nila sa akin.
"Wala naman. Sinusubukan kasi naming magluto, pero ito ang nangyari."
Nanliit ang mata ko sa sinabi ni Rem. Lima silang nasa kusina at kahit isa sa kanila ay walang marunong magluto? Isang malalim na buntong hininga ang napakawalan ko.
"Sa itsura ng kusina ay tila hindi pa kayo nakakatungtong sa kusina simula ng kayo ay ipanganak," biro ko sa kanila. Pagkatapos ay nagl
