TYRION LANNISTER
Sa loob ng ilang segundo na nawala sa paningin namin si Leina, hindi namin namalayan na nasa likod ko na pala siya. Hindi ako nakagalaw dahil sa bilis ng pagpunta ni Leina sa direksiyon ko. Naramdaman ko na lang ang kamay ni Leina na nakahawak na sa damit ko malapit sa aking bewang.
"Kumusta ka, Tyrion?"
Nakatingala sa akin si Leina at mahina siyang nagsalita habang nakatingin sa aking mga mata. Parang may iba pang gustong sabihin ang mga mata ni Leina, pero hindi na naman siya ulit nagsalita.
Samantala, si Rosanna na katabi ko lang kanina ay biglang napalayo dahil nga sa pagsulpot ni Leina sa aming tabi. Pagkatapos akong titigan ni Leina ng ilang segundo ay binaling niya ang kaniyang paningin sa aking mga kasama.
Isang malalim na buntong hininga ang napakawalan k
