TYRION LANNISTER
Hindi namin sigurado kung saan parte ng inn na kami dahil sa makapal na fog. Bigo rin kaming hanapin sina Aurora at Rem kaya napagpasiyahan namin na lumabas na lamang at alamin kung ano na ba ang kalagayan sa labas.
Siguro ay inabot din kami ng ilang minuto bago kami tuluyang nakalabas ng inn.
"Wala ba tayong magagawa para manipisin man lang kahit konti ang fog na 'to?" tanong ko sa aking mga kasama ngunit umiling lang sila sa akin.
May sasabihin din sana si Rex sa amin, pero natigilan siya nang may maapakan kami sa ibaba ng aming paa.
Lumuhod ako at hinawakan kung ano ito at muntikan na kong mapatakbo nang makita ko ang isang tao na mukhang kanina pa naninigas. Hindi na rin ito humihinga at mukhang kanina pa ito binawian ng buhay. Sobrang putla ng kaniyang labi
