TYRION LANNISTER
Nang magising ako ay nabalot ng fog ang paligid ko. Sinubukan ko pa nang kusutin ang aking mga mata at kinurot ko pa ang aking sarili dahil baka nanaginip pa ko.
"Tyrion! David! Nand'yan ba kayo?"
Hinanap ko kung saan nagmula ang boses ni Rex. Buti na lang at may biglang humawak sa kamay ko at sa gitna ng makapal na fog ay biglang nagpakita sa harapan ko si Rex.
"Anong nangyayari? Bakit naging ganito kakapal ito?" tanong ko sa kaniya.
Napahawak ako sa aking dalawang braso dahil saka ko lang din naramdaman ang sobrang lamig ng hangin na tumatama sa aming balat. Pakiramdam ko ay napunta ako bigla sa south or north pole ng earth. Tsk.
"Hindi ko alam. Kailangan na 'tin mahanap agad ang iba dahil baka kung ano na ang nangyari sa kanila."
Tumango na lang ako sa sinabi
