TYRION LANNISTER
Nakatingin na lang ako sa ginawang pag-atake ni Rem sa malaking hayop gamit lamang ang kaniyang halaman na may tinik. Habang nakikipaglaban siya ay may isang pala-isipan na namang sumagi sa aking isipan.
Paano ako matututo sa panonood sa kanila? May ibang bagay kaya silang nais ipabatid sa akin?
Ilang minuto lang ang lumipas ay natapos na agad ni Rem 'yong hayop na kaharap niya kaya nakahinga ako ng malalim. Kung may magpakita lang siguro ng katulad ng hayop na 'to sa earth ay baka pagpiyestahan na siya ng mga tao.
Nang matapos ito ni Rem ay wala man lang akong nakitang dugo mula sa hayop. Sa halip ay unti-onti itong naglaho na parang naging pira-piraso habang may liwanag sa gilid nito.
Natigilan ako sa aking nakita. Saan kaya nagmula ang isang 'yon? Inilibot ko an
