TYRION LANNISTER
Hindi ako makapaniwala sa sinabi sa akin ni Rhea kanina. Kung alam ko lang na sa kanluran din pala matatagpuan ang lagusan na hinahanap ko ay hindi na sana ako nag-atubili na pumunta sa kanluran.
Lumingon ulit ako sa direksiyon nina Rhea, Chers, at Harold. May isang katanungan na naman kasi ang nabuo sa aking isipan.
"Rhea, ilan ba ulit ang mga kasamahan mo? Kumpleto na ba kayong magkakasama ngayon?"
Tumigil sa paglipad si Rhea at pansamantalang nag-isip sa tanong ko. Pagkatapos ay lumingon siya sa akin at sinagot ako.
"Hindi pa. Dalawa pa sa amin ang nawawala."
Napaisip ako bigla sa sinabi ni Rhea. Kailangan ko rin kayang kumpletuhin sila? Pero, wala naman sinabi sa akin ang prinsipe nila na hanapin ko rin sina Rhea at iba nitong mga kasama. Minsan nga ay napa
