TYRION LANNISTER
Pagkamulat ko ng aking mata ay mukha agad ng apat kong kasama ang bumungad sa akin. Agad akong bumangon, pero napahawak din ako sa aking ulo dahil med'yo masakit pa rin ito. Parang gusto ko na lang sumakit ang ngipin ko kaysa sa ulo.
Binalikan ko ang mga nangyari. Napabuntong hininga na lang ako ng malalim nang maalala ko na nahimatay na naman pala ako.
"Tyrion, anong nangyari sa 'yo kanina?"
Iniling ko lang ang aking ulo sa tanong ni Rem dahil wala pa kong gana magsalita.
Bakit may ibang alaala ang pumapasok sa isipan ko? Isa pang pinagtataka ko, 'yong boses ng babae na nakita ko sa aking alaala ay kaboses niya 'yong babae na narinig ko nang nasa kagubatan ako at hindi makakilos. Sino kaya siya?
"Hindi ako sigurado, pero sa tingin n'yo ba ay may kinalaman ang
