TYRION LANNISTER
Naglakad kaming lahat sa direksiyon na tinuro ni Rex. Unang lumapit dito si Rem nang makapunta na kami sa harap. Hawak niya ang kaniyang wand at kinumpas niya ito sa aming harapan.
Nagkaroon ng isang daan sa pagitan ng mga tubig na tila isang ulan na nalalaglag mula sa kung saan. Pagkatapos ay lumabas ang isang pinto. Nagsimula na kaming maglakad papasok sa loob.
Pagkapasok namin ay may sumalubong sa aming dalawang babae. Agad akong napaiwas ng tingin dahil sa pagkailang. Ang mga suot kasi nila ay parang katulad lang ng sa sirena.
"Magandang araw sa inyo. Pasok kayo."
Nakangiti silang dalawa sa amin at saka tinuro ang loob ng kanilang inn. Dinala kami sa isang babae na nasa front desk kung saan nila sinusulat ang mga pangalan ng tao na mananatili sa kanilang inn
