TYRION LANNISTER
Pagkadilat ko ng aking mata ay nasa ibang lugar na nga kami ng tatlo ko pang mga kasama. Pinunasan ko na ang luha sa mga mata ko bago pa mapansin ng mga kasama ko ang tungkol dito. Asarin pa nila ko. Tss.
"Kamahalan?"
Tumingin ako sa direksiyon ng tatlo. Dahan-dahan akong umupo sa ilalim ng puno dahil sa pagod na nararamdaman ko. Med'yo masakit din ang ibang parte ng katawan ko ngayon dahil nga sa nangyaring laban kanina, pero wala ito sa aking isipan. Nasa isipan ko pa rin ang mukha ng limang kong kasamahan.
Saka ko lang napansin na nasa akin na pala nakatingin 'yong tatlo kong mga kasama. Napaiwas lang ulit ako ng tingin sa kanila nang makita ko ang nag-aalala nilang mga mukha.
"Pasensiya ka na, kamahalan kung wala kaming magawa sa oras ng 'yong pangangailangan
