TYRION LANNISTER
Sinusubukan kong kainin ang nakita naming kabute kanina ng mga kasama ko kahit na parang hindi ito mas'yadong tinatanggap ng tiyan ko. Med'yo maarte kasi minsan ang tiyan ko, pero nawawala rin naman agad kapag pinipilit ko ang sarili kong kumain.
"Kamahalan, pasensiya ka na kung wala kaming maibigay na masarap na pagkain sa 'yo. Kung may kakayahan lang sana kami na makabili ng masasarap na pagkain ay ginawa na sana namin."
Lumingon ako sa direksiyon ni Harold nang marinig ko ang boses niya. Kung wala lang sana akong kinakain ngayon ay kanina ko pa nabigyan ng tig-isang batok ang mga kasama ko ngayon dahil kanina pa nila kong tinuturing na tila isang prinsipe.
Kanina pa ko nakakaramdam ng pagkailang dahil sa mga kinikilos nila, pero hindi ko na lang binibigyan ng pan
