TYRION LANNISTER
Nagsimulang magkuwento 'yong lalake sa amin habang ang mga kasama ko ay nanahimik na at nakinig na lang sa kaniya.
"Normal lang ang nangyayari sa amin nang maganap ang bagay na 'yon. Masayang nagkukuwentuhan ang ilang mga tao at ilan naman ay mas'yadong abala sa kani-kanilang pamumuhay. Hanggang sa. . ."
Huminto sa pagsasalita 'yong lalake. Halatang labis siyang nasaktan dahil sa nangyari dahil napapahinto siya sa pagkukuwento at bumubuntong hininga siya ng malalim. Pagkatapos ay saka lang ulit niya pinagpapatuloy ang kaniyang pagkukuwento.
"Hanggang sa nagpakita ang isang batang lalake na kulay pula ang buhok. Naaliw kami sa kaniya dahil sa mga bagay na kinukuwento niya sa amin. Para siyang isang manunulat ng isang aklat sa loob ng mura niyang edad kaya hindi namin
