TYRION LANNISTER
"Oo nga pala, Rhea. Alam n'yo naman siguro ang itsura ng dalawa n'yong kasamahan, hindi ba? P'wede n'yo bang sabihin sa akin para masabi ko rin sa lima ang itsura nila at nang madali namin silang mahanap."
Tumango-tango 'yong lima bilang pagsang-ayon sa sinabi ko. Ako naman ay naghintay lang sa isasagot sa akin ng tatlo habang patuloy pa rin kami sa paghahanap sa prinsipe.
Lumipad si Rhea at nakasimangot siyang umupo sa balikat ko. Nagtataka ako sa itsura ng kanyang mukha kaya nagsalubong na rin ang dalawang kilay ko.
"Tyrion, sinabi ko naman na sa 'yo dati pa na hindi sila magpapakita hangga't hindi pa tamang oras kaya kahit na hanapin na 'tin sila ay balewala lang dahil hindi naman sila magpapakita sa atin."
Isang malalim na buntong hininga ang napakawalan ko s
