TYRION LANNISTER
Pagkalipas pa ng ilang sandali ay isang malalim na buntong hininga ang pinakawalan ni Rosanna at pagkatapos ay muli siyang tumingin sa direksiyon ko.
"Pasensiya ka na, Tyrion. Walang binanggit sa akin ang pinuno ko na p'wede akong magsabi sa 'yo ng ilang impormasyon tungkol sa tinatanong mo. Isa pa, hindi ko rin alam kung may masasabi ba ko sa 'yo dahil kahit na matagal ko ng kilala ang tinutukoy mo ay hindi ko pa rin naman ito nakikita."
Tumigil sandali sa pagsasalita si Rosanna. Tumingin siya sa likuran ko at parang inaalam niya muna kung naririnig ba kami ng iba naming mga kasama, pero med'yo malayo naman kami sa kanila kaya binalik ni Rosanna ang paningin niya sa akin at muli siyang nagsalita.
"Ngunit huwag kang mag-alala, Tyrion sapagkat hindi naman masama ang
