Nakatulala lamang ako habang pinagmamasdan ang mga nangyayari sa baba. Pinuputukan nila ng bala ang aming sinasakyang helicopter ng aming mga kalaban. Mahigpit ang pagkuyom ng aking kamay. Nananatiling nakahiga pa rin ang walang buhay na katawan ni Daddy sa sahig.
Rinig ang hagulgol ni Alexa, nagwawala habang pilit na lumalabas kahit nakaangat na ang sinasakyan namin. Patuloy na umaagos pa rin ang aking mga luha hanggang sa hindi ko na maaninag ang pangyayari sa baba dahil sa malakas na ulan.
“Daddy! Daddy! Bitawan niyo ako! Ibaba niyo ang helicopter! Baba ako! Kailangan ko si Daddy!” nagmamakaawang sigaw ni Alexa. Puno ng luha ang kaniyang mata. Nagpupumiglas sa pagkakahawak ng ilan sa mga tauhan ko na nakaligtas sa kaguluhan. “Kuya Jayden. please! Kailangan tayo ni Daddy do’n. Nababa
