Mabilis ang aking lakad habang hawak ang baril patungo sa kuwarto ng aking Ama. Nagtagis ang panga ko. Madilim ang mukha. May malakas na pagsabog na naganap sa ibang palapag malapit sa aming palapag.
Sa tingin ko ay nakapasok sa loob ng hospital ang mga kalaban ngunit hindi makapunta mismo kung saan kami naroroon.
Malakas ang pagsabog kanina. Halos mayanig ang lupa. Marami rin ang nadamay na pasyente ngunit kakaunti lamang sa aking mga tauhan.
"Jayden, ano ang tunog na iyon?" nanginginig na sabi ni Mommy nang makalabas siya sa kaniyang kuwarto. Sinalubong niya ako nang makita niya ako sa daan.
Tumingin ako sa kaniya saka marahang hinawakan ang kaniyang siko. "Kailangan na nating umalis, Mom."
Naguguluhan siyang tumingin sa akin ngunit tumango rin agad. Hindi pa buo ang aming plan
