3 years later…
Tatlong taon na ang nakakaraan pero hanggang ngayon ay sising-sisi pa rin ako. Kung sana gaya ng pagta-type ay kaya kong i-backspace ang lahat ng mga nangyari. Sana ngayon ay magkasama kami ni Jeremy at ang anak naming ngayon ay magtatatlong taon na rin ang edad. Ang dami kong sana sa buhay. Pero gaya ng pagtatakipsilim ay ‘di ko na magagawang pabalikin ulit ang araw. Wala akong choice kung hindi hintayin ang bukas. Ang bukas na walang kasiguraduhan. Dati kaya kong sabihin na bahala na si Batman pero ngayong nailuwal ko na ang anak naming si Nexus Dave ay hindi ko na pwedeng iasa kay Batman ang lahat. Kailangang sigurado ako sa lahat ng bagay dahil may maliit na bata na ang umaasa sa akin.
“Babe!”
Napalingon ako sa direksyon ng maliit na boses na ‘yun. Nakita kong tumat
