Mahabang sandali ang ginugol niya upang muling makaipon nang lakas ng loob. Tumatak sa isip niya na narito siya upang hanapin si Jude. Wala na siyang pakialam sa dalawa. Sa inasal ni Lorenz kanina, gusto na niya itong burahin sa isip niya.
Medyo humina na ang ulan pero nagputik naman ang lupa sa kagubatan, dahilan upang mahirapan siya sa paglalakad. Pero hindi naging dahilan iyon upang panghinaan siya ng loob.
Pero paano kaya siya magsisimula? Saang panig ng pulong ito itinatago ng engkantada ang pinakamamahal niyang si Jude? More or less ay posibleng kanina pa siya pinagmamasdan ni Sara o Sarina at maaaring naghahanda na ang mga ito nang posibleng pag-atake sa kanya. Batid niyang dehado siya sa labang ito, ni hindi nga niya alam kung paano dedepensa sa hindi nakikitang kalaban. At kung
