"Anong ginagawa ng babaeng 'yun dito?' tanong ni Athena na hinintay lang makasakay si Lilibeth sa trisekel. Hindi niya sana gustong harapin ang dalaga pero imposibleng mangyari 'yun. Hindi pa naman siya nakikipagkalas dito.
"Nagkwentuhan lang kami."
"Nagkwentuhan? Nagkwentuhan lang kayo pero amoy alak ka?"
Uminom siya kaninang pag-uwi para makalimot kahit paano. Hindi pa naman sila matagal magkasintahan ni Athena pero tila mapupugto na ang hininga niya sa kaisipang makikipaghiwalay din siya dito. Bakit lumalim nang ganito ang damdamin niya?
"Magkaibigan naman kami. Bakit ka nga pala nandito? Nandiyan ang Daddy mo, hindi ba?"
"Yeah. He wanted me to pursue my modeling career after college. Pero sinabi ko naman na kay Auntie Shanaya at Tiffany na hindi ako tutuloy."
"Ano ang i
