"Cali, telepono," sabi ni Joana habang iniaabot sa kanya ang wireless phone.
Tinanggap niya iyon at inipit sa pagitan ng kanyang balikat at tenga. Hindi kasi niya mabitawan ang binabalanse sa nakabukas na excel worksheet sa kanyang computer screen.
"This is Cali, hello?" Aniyang natigilan nang makarinig ng paghikbi sa kabilang linya.
"Cali," her Lola's sobbing made her stop what she was doing. Hinawakan niya nang maayos ang telepono at mariin iyong idinikit sa tenga niya baka sakaling namali siya ng dinig.
"Lola?" She asked.
"Cali, nandito kami sa ospital," umiiyak pa ring tugon ni Lola Clarita. "Nawalan ng malay ang Lolo mo habang naliligo. Nabagok ang ulo niya."
Pakiramdam ni Cali tinakasan siya ng lakas sa narinig. "La, hintayin n'yo ako. Pupunta ako d'yan ngayon din."
Nagmamad
