Hindi mawala sa isipan ni Marie ang natanggap na tawag tatlong araw na ang nakakaraan. May hinala siyang si Eric ang lalaking iyon. Ang ipinagtataka lang niya ay kung bakit may bahid ng kalungkutan ang boses ng lalaking iyon. Isa pa, kilala siya ng lalaki pero sinabi nito na wrong number ang natawagan.
Hindi rin alam ni Marie kung bakit paulit-ulit niyang iniisip kung sino ang tumawag na ‘yon. Maaari namang ipagsawalang bahala na lang niya ‘yon pero tila iba talaga ang kutob niya. Galit si Marie kay Eric at sigurado siya sa nararamdaman niya. Pero hindi niya maintindihan ang sarili dahil kung minsan ay hinihintay niya ang pagtawag nito.
Napabuntong hininga na lang si Marie at iniling ng malakas ang ulo para gisingin ang sarili. Ibinaling na lang niya ang pansin sa pagkain na kanina pa
