KAPAPASOK ko pa lang ng bahay nang madatnan ko si papa na palakad-lakad sa living room.
“What’s wrong, papa?” Nilapitan ko siya at bahagyang tinapik ang balikat niya.
Biglang nagliwanag ang mukha niya.
“Mabuti at nandito ka na. May ipapakita ako sa iyo.”
Umupo siya sa sofa kaya tinabihan ko naman siya. Binuksan niya ang kanyang laptop na noon ko lang napansin na nakalapag pala sa center table.
“Look at this video. May nagpadala sa akin nito, an hour ago.”
Napatingin naman ako sa monitor. Halos matigalgal ako sa aking nakita. May isang babaeng nakatali ang kamay at paa sa upuan. Hindi ko makilala dahil nakapiring ang mata nito at may tape sa bibig nito.
“Who is she, papa?”
“Hindi ko rin alam, Rodel. Pero ang sabi nang nagpadala ay ipapakita raw niya ang mukha ng babae sa susunod
