HINDI ko alam kung ano ang nangyayari sa akin. Pero hindi ko na kayang pigilan ang nararamdaman ko para kay Stella. Mababaliw ako kapag hindi pa siya naging akin. Baka sapat na sa akin kahit halik at yakap lang. Baka kapag nakuha ko iyon sa kanya, maiibsan na rin ang pagnanasang nararamdaman ko sa kanya.
Pero akala ko lang pala iyon. Nang gisingin ako ni Stella nang umagang iyon ay nag-iba ang timplada ng katawan ko. May kung anong demonyong sumapi sa akin nang masilayan ko ang mukha niyang bagong gising.
Ang ganda pa rin niyang tingnan kahit magulo ang mahaba niyang buhok at kamumulat lang ng kanyang mga mata. Kahit galit siya at ang taas ng boses niya, hindi ako nati-turn off sa kanya. Mas natuwa pa nga yata ako dahil nagisnan ko pa rin siya sa tabi ko ng umagang iyon. Akala ko paggis
