MATALINO naman ako sa pagkakaalam ko. Hindi ako pipiliing Boss ng Mafia Clan na kinabibilangan ng pamilya kung tatanga-tanga ako. Matataas din ang grade ko noong nag-aaral pa ako. Nagtapos nga ako with Latin honors noong nasa college pa ako. Tapos may MBA rin ako mula sa Harvard. Kung hindi pa naman matalino ang tawag doon, hindi ko na alam kung ano ang kahulugan ng pagiging matalino.
Pero ngayon ko lang napatunayan na pagdating sa ibang bagay, ang bobo ko pala. Hindi pala puwedeng daanin sa taas ng pinag-aralan o sa dami ng pera ang lahat ng bagay. Tulad na lang iyong sitwasyon namin ni Stella, nakakatanga pala iyon. Hindi kailanman pumasok sa isip ko na darating ang araw na ito — iyong araw na babalewalain ko ang lahat para lang sa isang babae.
Women come and go in my life. I have neve
