“SAAN tayo pupunta?” tanong ko kay Kyle na kanina pa ako hinahatak-hatak papunta sa kung saan.
Maaga kaming nagkita ngayon dahil sabi niya ay may surpresa siya sa akin. Agad niya rin kasing iniba ang tanong niya na kung sino talaga ako.
Hindi ko alam kung ano ang ipinupunto niya nang itanong niya ang bagay na iyon sa akin. Pakiramdam ko tuloy ay may nagawa ako sa kaniya na labis niyang ikinagagalit ngunit hindi ko wari maisip kung ano iyon. Paulit-ulit tuloy akong nababagabag.
“Shut up.”
Lumingon siya sa akin saglit at tinitigan ako nang masama bago ituong muli ang mga mata sa direksyon na aming dinaraanan. Hindi ko maiwasang mapangiti, napakaganda niya kahit na ano ang ekspresyon na gawin niya sa kaniyang mukha. Wala akong masabi.
“Paiba-iba talaga ang mood mo. Kaloka ka sis,” ser
