“BAKIT ang saya mo?” tanong ni Edward sa akin na ngiti lang ang naging sagot ko.
“Hindi mo ba talaga ako sasagutin?” tanong niya pang muli.
Sa puntong ito ay tuluyan ko nang ibinuka ang aking bibig at sinagot ko na ang kaniyang katanungan, “Wala naman. Masama ba ang maging masaya?”
Narinig ko ang pagbuntong-hininga niya.
“Hindi naman masama kung magiging masaya ka pero 'yong tatawa at ngingiti ka nang mag-isa, 'yon 'yong masama! Nakaririndi sa mga mata kaya tigilan mo 'yan!” aniya habang ipinapadyak-padyak pa ang mga paa.
Natawa naman ako dahil sa naging reaksyon niya. Hindi ko rin siya masisisi kung hindi siya magiging sanay. Atsaka, ngayon lang naman ako naging ganito sa buong buhay ko. Hindi ako madalas ngumingiti dahil wala rin namang rason para maging masaya at humalakhak.
“A
