Halos mabaliw ako sa mga nasaksihan at nakita ko. Pinipilit kong umisip ng ibang dahilan pero wala na akong mairarason pa, kitang-kita mismo ng dalawa kong mga mata. Kitang-kita ko kung paano nag-iba ang lugar na 'yon mula sa isang maganda at puno ng palamuti na kuwarto hanggang sa mapalibutan na ito ng mga kurtinang nakataklob sa bawat gamit na naro'n.
Ayaw kong maniwala sa mga gano'ng bagay dahil ang naniniwala lang doon ay 'yong mga duwag at may problema sa pag-iisip at ako, hindi ako gano'n! Hindi ako isang baliw!
Kada-minuto ay napapalingon ako sa buong paligid. Pakiramdam ko ay palaging may nakamasid sa akin. Napapahawak na lamang ako sa ulo ko. Hindi ko na alam ang nangyayari. Hindi ako 'to, alam kong hindi ako 'to.
"Hindi ako baliw," bulong ko sa sarili habang paikot-ikot ang ak
