Chapter 17
Walang kahit na anong narinig si Vekvek kay Jen tungkol sa kung alam na ba nito ang tinatagong sikreto ni Tongtong na asawa nito at ng kanyang matalik na kaibigan dahil ganun pa rin ang kinikilos ng among babae. At hindi pa rin umaalis si Kena.
Mula sa ginagawang pagtatanim ni Vekvek ng bagong mga halaman sa paso ay tanaw niya ang among babae, si Tongtong at Kena na magkakasamang kumakain ng almusal sa lamesa sa likod-bahay.
“Sige lang Tong, magpakasaya ka lang sa pamamangka mo sa dalawang ilog. Nakakatiyak ako na may alam na ang asawa mo sa nakakasuka niyong sikreto ng ahas na matalik pa namang kaibigan kong ituring,” bulong pa ni Vekvek habang nagbubungkal ng lupa at isinasalin sa mga paso.
“Vek, anong binubulong-bulong mo riyan? Ganyan ba ang sikreto mo kaya napapalago m
