Chapter 18
“Hoy! Lumayo ka nga! Gusto ko iyong malayong-malay ha! Baka mahawa ako ng kung anong kurikong mo sa katawan!” sigaw at pagtataboy ni Kena kay Vekvek ng maabutan niya itong may ginagawa malapit sa bangko kung saan siya mauupo para humithit ng sigarilyo.
Hindi agad tumayo si Vekvek at nagkukunwaring walang naririnig.
“Hoy! Ano ka ba, ha? Nakakadiri na nga ang balat mo ay bingi ka pa ba?!” asik pa ni Kena at patuloy ang pang iinsulto kay Vekvek.
Isang buntong-hininga ang ginawa ni Vekvek.
“Wala ako sa mood makipagbangayan,” bulong pa ni Vekvek at saka naglakad na palayo na hindi man lang nilingon si Kena.
“Nyetang babaeng bulutong na to,” sabi pa ni Kena sabay sindi ng kanyang hawak na sigarilyo at humithit agad.
Si Vekvek ay hindi naman masyadong lumayo bagkus ay nagkubli l
