Kanina pa ako pabaling-baling ngunit 'di ako dalawin ng antok. Mabagal akong bumangon at tumingin sa wall clock.
Pasado alas dose na pala ng gabi.
Naisipan kong tumungo ng veranda. Katahimikan ang sumalubong sa 'kin. Tumingin ako sa ibaba kung nasaan ang swimming pool. Hanggang sa maisipan kung tumungo roon.
Kumunot ang noo ko kasabay ng mabagal na paghakbang ng makita ko ang isang bulto.
Nadz?
Anong ginagawa niya sa mga oras na ito dito?
Lalapitan ko sana ito ng bigla akong mapahinto. Isang hikbi ang narinig ko mula rito.
Bigla na lang kumabog ang dibdib ko. Umiiyak na naman ba siya? Lumamlam ang mga mata kong nakatingin sa dalaga.
Nakatalikod ito sa akin kaya hindi nito pansin ang pagdating ko.
Nahirapan akong lumunok ng marinig ang sunod-sunod na hikbi nito. Ramdam ko ang saki
