"Alam na ba ni tita?" tanong ni Danilo.
Isang mahaba at mabigat na buntong hininga ang pinakawalan ko.
"Not yet."
Pansin ko ang kaseryosohan ng dalawa.
Kilala ng mga ito ang mommy ko. Alam nila na mataas ang standard nito pagdating sa mapapangasawa ko.
"Nakahanda ka ba?" tanong ni Jorge.
Kumunot ang noo ko.
"Hindi sa pagiging negatibo bro. Pero alam nating lahat kung anong klase ng babae ang gusto ng mommy mo na mapangasawa mo."
"I know." Sabay titig sa kawalan. "Pero naniniwala akong matatanggap niya ang nobya ko lalo na't napakabait niya rito."
Sandaling katahimikan.
"What if hindi?"
Bigla akong napabaleng sa kaibigang si Danilo. Seryoso at nakakunot ang noo nito.
"Paano kung hindi siya matanggap ni tita? Anong gagawin mo?"
Gumalaw ang panga ko.
"Alam mo kung saan nagmula s
