BIGLA akong napahinto ng mapansing may bisita ang nobyo ko. Nasa malaking sala ang mga ito.
Kararating ko lang galing ng university. Kaya siguro hindi ito pumunta kanina sa school at may mga bisita ito.
Iikot na sana ako upang sa likuran dumaan ng bigla akong matigilan. Biglang lumakas ang t***k ng puso ko ng mapansin ako ng kung sino.
"May bisita ka bro?"
Bigla akong napapikit. Nakagat ang ibabang labi.
"Wow! Siya na ba iyong nobya na binabanggit mo sa amin?"
Biglang uminit ang magkabilaan kong pisngi. Ibig sabihin alam ng mga ito na may kasintahan ang nobyo ko?
Pero sinabi niya ba na ako iyon?!
Lihim akong napailing. Hindi puwede!
Magkakalintikan kapag nagkataon.
Bigla akong napapitlag ng bigla akong tawagin ng kung sino. Kagat-kagat ko ang ibabang labi ko.
Hindi ko alam kung
