TAHIMIK lang si Ariyah Lynn habang nakikinig sa pinag-uusapan ng mga magulang niya at ng mga magulang ni Simon. Walang gana siyang kumain dahil kakakain pa lang niya kanina kaya pinagdidiskitahan na lang niya ang chocolate cake na ni-request niya kanina ni Nana Mila.
Magkatabi sila ni Simon na nakaupo sa harap ng mga magulang nito. Ang Daddy niya ay nasa kabisera nakaupo at katabi ang Mommy niya.
Gustuhin man niyang idistansya ang sarili niya kay Simon pero wala naman siyang magagawa. Kailangan niya munang sumunod sa kung ano ang gusto ng mga ito para sa kaligtasan ni Chance.
“Kumusta ka na, hija? Mabuti naman ang bumalik ka na,” sabi ni Tita Harriet.
Ngunit wala siyang mabasang emosyon sa mukha ng ginang. Hindi tuloy niya alam kung talaga bang nakabubuti na bumalik siya sa poder ng m
