ANOTHER week has passed, but there is no progress on wooing Chance for his forgiveness. Mula kasi nang umagang iyon ay hindi na sila nagkita pa nito uli. Hindi na naman kasi ito umuuwi sa condo nito. Ngunit sa isang linggong iyon ay patuloy pa rin ang pagpunta niya sa kumpanya nito.
Maaga siyang magdadala ng pagkain para sa breakfast nito, and as usual, ‘yung guard lang ang pinakikiusapan niya na mag-abot niyon kay Chance. Tapos babalik na naman siya sa tanghali para naman sa lunch nito. Naging ka-close na nga niya ang guard.
“Wala po ba kayong balita, Kuya, kung kinakain ng boss niyo ang mga pagkaing dinadala ko para sa kaniya?” tanong niya kay Alexis.
“Pasensya na, Miss Lynn. Pero sobrang higpit talaga ngayon ni boss. Kaya mukhang hindi rin nakakaabot sa kaniya ang mga pagkaing pinap
