NAPAAWANG ang bibig ni Ariyah Lyn sa sinabi sa kaniya ni Gemini. Hindi siya makapaniwala na may pagsasabihan pa itong iba sa pinaplano nila. At sa lahat pa ng taong puwede nitong pagsabihan ay ang kaibigan pa ni Chance.
Matagal din bago siya nakapagsalita sa sobrang pagkabigla.
“B-Bakit?” nauutal na tanong niya rito, mas lalong kinabahan. “Paano kung… paano kung magsumbong si Sir Sebastian sa kaibigan nito?” nagpa-panic na dugtong pa niya.
“I have no choice. Magkakakilala sila ng fiancé mo kaya kailangan kong sabihin sa kaniya na pinagtataguan mo ang lalaking ‘yon dahil ayaw mong magpakasal sa kaniya at pinilit ka lang ng mga magulang mo.”
“Ang sabi mo, sinabi mo sa kaniya ang pinaplano mo. Did he agree?”
“Surprisingly, yes. At tutulungan—”
“There you are!”
Natigilan silang dalawa
