"Mga tauhan ng lalaking gusto ng daddy mo na pakakasalan mo?" patanong na inulit ni Gemini ang sinabi ni Ariyah Lynn. "Bakit? Sino ka ba?”
Nagmulat siya ng mga mata. Mula sa pagkakayuko ay nag-angat siya nang tingin kay Gemini. Nakakunot na ang noo nito at magkasalubong na rin ang dalawang kilay.
Bayolente siyang napalunok.
“A-Ate…” nanginig ang mga labing sambit niya. Kinakabahan siya.
“Who are you really Ariyah Lynn Salvador?" tanong sa kaniya ni Gemini.
Mariin niyang naipikit ulit ang mga mata. Huminga siya ng malalim saka nagmulat ng mga mata at matapang niyang sinalubong ang mariin nitong titig sa kaniya.
Nasa hitsura nito na hindi ito aalis sa kinauupuan nito ngayon hangga't hindi siya magsasabi ng totoo. Wala rin naman sa plano niya na maghabi na naman ng kasinungalingan. N
