MAKALIPAS ang isang linggo ay naging magulo na ang bawat araw na dumadaan sa buhay ni Jyo. Nasanay kasi siyang may asawang naghihintay at nag-aasikaso sa tuwing uuwi siya galing trabaho kahit na palagi niya itong binabalewala. Na sa bawat araw na dumadaan sa kaniya ay ang asawa ang nakikita niya sa bawat sulok ng kanilang bahay kahit pa si Venus ang kaniyang kasama.
Dapat masaya siya dahil naisakatuparan niya ang kaniyang plano na pasakitan ito kaya siya pumayag sa arranged marriage nila. Pero bakit nasasaktan din siya kapag nakikita niyang nasasaktan din ito? Bakit namimiss niya ang presensya nito?
"O? Ano'ng mayroon at naglalasing ka na naman?" bungad sa kaniya ni King nang makarating ang mga ito kasama si Yrrej sa bar na tinatambayan nilang tatlo sa tuwing maiisip nilang magtipon-ti
