TULAD nga ng ipinangako ni Jyo sa asawa ay palagi niya itong sinusuyo at pinagsisilbihan, walang araw na hindi niya ito nakakalimutan na bigyan ng bulaklak mula sa paggising nito't pag-uwi galing trabaho. Na kung minsan pa nga nagpapadala pa siya sa opisina nito. At masaya si Aileen sa malaking pagbagong iyon ni Jyo. Talagang bumawi ito sa lahat ng pagkukulang nito sa kaniya ng mga nagdaang mga araw at buwan. Hinarana pa siya nito nang sumapit ang ikapitong buwan nila bilang mag-asawa. Kinantahan siya nito ng As long as you love me ng Backstreet Boys na talaga namang damang-dama niya kaya naman nang araw ding iyon ay pinatigil na niya ito sa panliligaw kuno dahil wala na siyang mapaglagyan ng mga bulaklak nito.
At ngayon naman ay inaya siya nitong mag-out of town na hindi niya tinanggihan
