NAGMAMADALING pinatakbo ni Jyo ang sinasakyan nilang kotse patungo sa hospital nang bigla na lamang nagsuka si Aileen pagkagising nito kaninang umaga. Medyo nakaramdam din kasi ito ng pagkahilo at maputla ang kulay kaya naman dali-dali niya na itong dinala sa OB. Sinulyapan niya pa ang asawang kanina pa walang imik sa passenger seat kung saan sapo-sapo nito ang ulo habang nakapatong ang siko sa bintana ng kotse upang doon kumuha ng suporta.
Hinawakan niya ang kaliwang kamay nito na nasa hita nito. "Heart? Do you think sinagot na ng Diyos ang matagal na nating kahilingan?" puno ng pag-asang tanong nito sa asawa. Ngumiti ng tipid si Aileen dahil hindi siya sigurado. Ayaw na niyang umasa dahil baka mamaya ay false alarm na naman. Alam niyang iba itong nararamdaman niya dahil hanggang ngayon
